أنا حكايتي بدأت اول مره و أنا عندى 34 سنة، كان معايا بنتين واحده عندها 13 سنه و الصغيرة 4 سنين؛ المرض مخضنيش اد ما اتخضيت على إني ممكن فى إي لحظه مكنش معاهم و مقدرش أشوفهم بيكبروا قدامى و خصوصا أن العلاج بيكون فيه كيماوي و إشعاعي و مجهد.
بس الحمد لله بفضل أهلى و اصحابي قدرت اعدى كل المراحل مهما كانت صعبة و متعبة و مرهقة جسمانيا و صحيا و ذهنيا لانى كنت مركزة جدا أن تعبى ما يبانش عليا قدام ولادى و أفضل واقفه جامده و عاديه و طبيعيه معاهم.
و بعد أربع سنين و فى الفحوصات الدورية اكتشفت أن المرض رجعلى تانى بس المره دى العلاج كان أقوى من المرة الأولى...مش عارفه بقى المره الثانيه تقريبا الموضوع قلب معايا بعند...مش هخللى إي مرض أو إي علاج إنه يمنعني من إني استمتع بحياتى و لا بولادى و لا بروتين حياتى على الرغم أن المره الثانية كان لازم اعمل استئصال كامل للثدى وإني مريت تاني بالعلاج، بس خلاص انا الحمد لله خلصت فتره علاجى و فى مرحله المتابعة الدورية و مش خايفه من المرض. و ربنا يشفى الكل يارب